Nicat Səttarov 8 ildən artıq təcrübəyə malik peşəkar WordPress mütəxəssisi və təlimçisidir. Bu müddət ərzində o, yüzlərlə fərdi sahibkar, şirkət və tələbə ilə işləyərək müasir vebsaytların hazırlanması, idarə edilməsi və inkişaf etdirilməsi üzrə dərin bilik və bacarıqlar qazanıb.

Onun əsas ixtisaslaşma sahələri WordPress ilə sayt qurulması, mövzu və plagin inteqrasiyası, e-commerce (WooCommerce) həlləri və SEO optimizasiyasıdır. Təcrübəsində real layihələr üzərində çalışaraq əldə etdiyi bilikləri, praktiki yanaşmalarla tələbələrinə aydın və addım-addım izah edir

Bu video dərslik, WordPress platformasından istifadə edərək öz veb saytını sıfırdan qurmaq istəyən hər kəs üçün nəzərdə tutulub. Əsas məqsədimiz, heç bir proqramlaşdırma biliyi olmayan şəxslərə belə, addım-addım praktiki və aydın şəkildə veb sayt qurmağı öyrətməkdir.

Dərslikdə aşağıdakı mövzular əhatə olunur:

• Domain və hosting seçimi və qoşulması

• WordPress-in qurulması və ilkin tənzimləmələr

• Tema və plaginlərin seçilməsi və quraşdırılması

• Səhifə və menyuların yaradılması

• Bloq yazılarının əlavə edilməsi və idarə olunması

• Təhlükəsizlik və sürət optimizasiyası

• SEO əsasları və saytın axtarış sistemlərinə uyğunlaşdırılması

Hər dərs vizual nümunələrlə və real sayt üzərində tətbiqlərlə izah olunur ki, izləyicilər öyrəndiklərini dərhal tətbiq edə bilsinlər.

Bu dərslik, həm şəxsi layihələr üçün sayt yaratmaq istəyənlərə, həm də freelance və ya web developer kimi fəaliyyətə başlamaq istəyənlərə faydalı olacaq.